Ég sit hérna heima hjá mér í Terrassa, Barcelona og er að þykjast vera að skrifa Mastersritgerðina mína. Ég er þegar búin að taka til, fara í búðina, setja í vél, og þrífa á meðan ég á að vera að taka til ritgerðinni, ekki íbúðinni, og búin að kíkja á öll heimsins blogg, barnalandssíður, etc etc.. en ekkert gerist í ritgerðarsmíðum. Þannig að ég kíkti hingað inn fyrir tilviljun og ákvað að skrifa þar sem engin annar gerir þa  Ég var reyndar búin að gleyma lykilorðinu þannig að ég bað blogcentral um nýtt. Sendið mér bara póst svo ég geti sagt ykkur það. (liljamiller@hotmail.com). 

Hæ allir sem lesa, ef það eru einhverjir... Hvernig hafið þið það þá?

Jamm ég hef það fínt. Er búinn að eiga viðburðaríkt ár. Í byrjun desember fór ég til Indlands, til Mumbai (Bombay) nánartiltekið, og var þar í fjóra mánuði að vinna hjá ættleiðingarsamtökum. Ég bjó svo í íbúð með fimm öðrum allstaðar að úr heiminum og var oft glatt á hjalla hjá okkur. Mumbai er svo frábær borg að það er erfitt að láta sér leiðast þar, þ.e. þegar maður er kominn yfir sjokkið við að koma þangað. Mengunin er mikil, hitinn, traffíkin er hræðileg og svo er það allt fólkið. Það er fólk út um allt á öllum tímum sólarhringsins! Í lestinni til og frá vinnu var maður iðulega samanþjappaður og stóð í troðningi við mennina í kringum sig (það eru spes konu og karlavagnar) og maður reyndi að snúa andlitinu frá handakrikunum á hinum þó það gæti verið erfitt. Eins gat reynst þrautinni þyngra að komast út, en þá þurfti maður að reyna að troða sér nær dyrunum og ýta svo hvað mest maður mátti á mennina fyrir framan sig til að komast út áður en lestin fór af stað aftur.

Eftir að Indlandsdvöl minni lauk fór ég beint til Kaupmannahafnar þar sem ég bý núna með kærustunni minni. Ég er að vinna við að smyrja samlokur á strikinu og get ekki beðið eftir að þeirri vinnu ljúki, en í Kaupmannahöfn er líka gaman að búa. Við búum í ótrúlega flottu hverfi sem er fullt af búðum og veitingastöðum en einnig stutt fra miðbænum.

En brátt fer ég svo að koma heim, eða í byrjun ágúst. Þá ætla ég að fara aftur í háskólann og klára það sem ég á eftir þar til að fá BA prófið loksins (það hefur setið á hakanum í svolítinn tíma) og svo veit ég ekkert hvað ég geri. Verð kannski ríkur og frægur, já sennilega gerist það.

Ég kveð í bili og hlakka til að heyra í einhverjum fleirum hérna... hint hint 

kv. Jónas

Hæ hæ af mér er það helst að frétta að ég er skilin, sem sagt orðin einstæð 3ja barna móðir  það er erfitt en betra en hjónabandið sem ég var í. Ég er búin að vera í skóla í vetur og stefni á að fara aftur í haust, ætla að klára stúdentinn á undan börnunum mínum, gott markmið ég stefni svo á háskólann eftir stúdentsprófið. ég ætla að læra Barna Sálfræði. Það heillar mig mest þessa stundina En núna eftir helgi er ég að fara suður til Rvk og er að fara inná Reykjalund. Og fyrir ykkur sem ekki vitið hvað það er, þá er það endurhæfingarstöð. Ég er sem sagt að fara í andlega endurhæfingu, þar sem að ég er búin að vera að berjast við alvarlegan þunglyndis og kvíðasjúkdóm í mörg ár. Og ekki bætti 7 ára andlegt ofbeldi úr því. En ég bjó við bæði andlegt og líkamlegt ofbeldi þau 7 ár sem að ég bjó með Gumma. Og ég er ekkert hrædd við að segja frá því. Þar sem að ég er búin að taka mig á og er farin að vinna í mínum málum og er nú þegar búin að ná miklum bata. Vá hvað þetta var nú hressandi blogg færsla hehe en vonandi líður ykkur öllum vel hvað svo sem þið eruð að gera og hvar sem þið eruð stödd í heiminum. Kær kveðja Aníta Sóley

Spurning um að ath hvar liðið er statt í dag. Mikið búið að gerast síðan á fermingarbarnamóti

hmm.. Ég er gift. Gifti mig Sigurþóri Hjalta Gústafssyni þann 15. júlí 2006. Viku eftir brúðkaupið komst ég að því að ég væri barnshafandi. Svo átti ég stúlku þann 28. mars sl Hún heitir Áróra Líf og er ljós lífs míns

Lífið er nú ekki bara búið að vera dans á rósum því að í lok ágúst í fyrra missti ég föður minn. Árna Stefán. Hann hafði kljást við krabbamein síðustu sex árin eins og þið sennilega flest vitið. Hann var og verður mín helsta fyrirmynd í lífinu...

En já. þetta er að frétta af mér

Hvað er að frétta af ykkur?

Yndislega dóttir mín!

...ætlaði að fara að rausa um það hvað ég er hneyksluð á þessari "vanvirkni" hérna inni en ég nenni því ekki ÞVÍ EG ER Í JÓLA OG DJAMMSKAPI! hehe

Allavega. Eigum við að halda annaníjólumpartý í ár eða hvað? Eða eigum við að hætta þessari gömlu góðu og skemmtilegu hefð... það er nú ekki oft sem við hittumst... þið ráðið.. einu sinni á ári eða einu sinni á tíu ára fresti. Its up to you.

Ég og Begga og Embla ætlum allavega að fá okkur aðeins í aðra tánna og reyna að rifja upp gamla tíma eða ekki... allavega fá okkur aðeins í aðra tánna eða allar bara.

Vill einhver halda partý?

Plis skrifið nú einhver komment hérna.. ekki seinna vænna.. annar í jólum er á morgun.

kveðja frá Lilju Rós Ronaldinho.

Það er aldeilis hvað maður hefur gott mynni Eða segir maður kannski minni?

Hvað er títt?

Ég er að fara til Barcelona fram að jólum þannig að ég segi bara hafið það gottt í vetur og reynið nú að henda inn sögu svona annað slagið. Þetta er embarrassing við erum svo löt  að skrifa!!

Bestu kveðjur,

Lilja Rós

Jæja krakkar, ég ætla bara að rita hér niður nokkur orð og þakka fyrir mig og segja að ég skemmti mér alveg eins og konungsfjölskyldan í gær. Fyrir þá sem ekki voru á staðnum ætla ég að fara yfir atburði helgarinnar á hundavaði Á föstudagskvöld hittust nokkrir á Víkinni þ.á.m. ég, Sæmi, Þóra, Guðjón, Bjarni Óskar, Begga, Lilja, Gunnar Auðunn, Jón Ágúst og svo fékk Kolla Reynis ('83) að fljóta með. Flestir voru þó bara rólegheitunum að spara sig fyrir laugardaginn. Á Laugardaginn var svo mæting á Kaffihornið klukkan 12. Flestir fengu sér súpudreitil og nokkrir bjór. Ekkert nema gott um það að segja. Okkur var þó ekki til setunnar boðið því Guðlaug kennari tók á móti okkur í Hafnarskóla klukkan 13. Það voru nú ekki kaldar móttökurnar á þeim bænum. Guðlaug sýndi okkur nýja skólann áður en við fórum svo að skoða gamla skólann. Búið var að breyta annarri stofunni í kennarastofu og hin var eitthvað annað. Svo löbbuðum við niður þar sem Raggi Björns sat alltaf með mjólkina, niður í fiskabúrið og svo í 1. bekkjarstofuna þar sem háaloftið var einu sinni en er nú farið. Rúsínan í pylsuendanum var svo þegar Guðlaug dró fram upptöku af Kardimommubænum sem við settum upp í 4. bekk. Þar fóru allir á kostum, Rakel var húsfreyjan Soffía Frænka, ég var bæjarstjórinn og tók einsöng, Þóra var Tóbías í turninum, Embla, Begga og Birgir voru ræningjarnir og áttu stórleik. Næst var haldið í Heppuskóla en þar tók Magnús J. Magnússon á móti okkur, gerði grín af Guðmundi Inga, Bóbó og Steinarri með okkur áður en hann sýndi okkur þær breytingar sem hafa átt sér stað í Heppuskóla og þær voru töluverðar. Helst þó fjölgun nemenda, breyttar áherslur og einstaklingsmiðaðra nám. Við Magnús er alltaf gaman að tala og var spjallað um allt á milli himins og jarðar, hann endaði heimsóknina með fleygri setningu: "Það er gaman að halda uppá afmæli. Þegar maður hættir því er maður dauður." Því næst var tekinn göngutúr í blíðunni í nýja FAS og þaðan yfir á Jöklasýninguna í gamla kaupfélagshúsinu. Því miður var Lóðsinn kallaður eitthvað út, þannig að ekkert varð úr skemmtisiglingu, en við lifðum það nú af. Hlé var gert á dagskrá svo fólk gæti farið heim, slappað af og gert sig tilbúið fyrir matinn. Hann byrjaði á Hótel Höfn klukkan 20 en fyrir það var fordrykkja í vistarverum Jóns Björns sem kom alla leið frá Noregi til að heiðra samkomuna. Geri aðrir betur! Lambalundirnar runnu létt niður rétt eins og rauðvínið og bjórinn sem var á tilboði með stauði á aðeins 600 krónur. Að loknu borðhaldi var Playstation tölvan tekin fram svo og Singstar diskarnir. Ég er helst á því að allir hafi tekið algið að minnsta kosti einu sinni. Aðrir sungu oftar mátti oft setja spurningamerki við framistöðu sumra (ég þ.m.t.) Mikið glens og mikið gaman var svo fram eftir nóttu. Eftir að lokaði á Hótelinu héldu margir yfir á Víkina þar sem ekkert lát var á góðaskapinu. Dagurinn var því allt í allt mjög skemmtilegur og held ég að allir hafi verið ánægðir með útkomuna þó mætingin mætti hafa verið meiri, skamm skamm þið sem ekki mættuð. En samt vorkenni ég ykkur meira fyrir að hafa misst af þessari skemmtilegu kvöldstund sem innihélt allt sem góðar kvöldstundir eiga að hafa, þ.e. góður félagsskapur, söngur, trúnó og sameiginlegar minningar. Ooooooh. Ég þakka þeim sem hlíddu. Kv. Jónas

Hlakka til að sjá ykkur á morgun og um helgina Þetta verður stuð!

Jæja lömbin mín

Nú er síðasti séns á að skrá sig í matinn. Vinsamlegast staðfestið hvort þið komið ein eða með maka, helst senda mér sms eða hringja Arna 866-6609!! Bráð liggur á þessu!

Þeir sem hafa boðað komu sína.

Gunnar Auðunn   -  Jónas   -   Þóra Stína   -   Arna Þórdís   -   Bergún Sigríður   -   Guðrún Einars   -   Aníta Sóley   -   Sigurbjörg (Sibba)  -   Sigmar   -   Jón Björn   - Birgir Már   -    Guðjón   -    Páll Heimis   -    Birna Þrúður     -   Anna Lilja   -         Lilja Rós   -   Ingi Björn    -   Ási   -   Jón Vilberg.

 

Þetta eru þeir sem hafa staðfest komu sína. Ef listinn er rangur eða það vantar einhvern endilega vita. Gott ef allir gættu sent mér sms eða skrifað inn á síðuna ef þeir eru 100% vissir að þeir komi, ekki að þeir komi kannski. Svo þarf ég ég að vita hverjir verða með maka með sér í matnu.

En og aftur kveð ég Gunni Au

Komið þið sælir krakkar mínir og gleðilegt sumar. Nú fer senn að líða að fermingarmótinu og því við hæfi að koma með dagskrá og umþabil verð á þessari pakka ferð til Hafnar.

Föstudaguinn 02.j úní

Opið kvöld á Víkinni. Engin sérstök dagskrá, gott fyrir þá krakka sem verða komnir að brjóta ísinn.

Laugardagurinn 03. júní

Mæting á Kaffihornið í hádeginu, hægt verður að fá sér súpu og brauð.

Yfir daginn verður svo farið í þrjár skoðunarferðir. Byrjum að sjálfsögðu í Hafnarskóla þar sem vonandi einhver gamall góður kennari tekur okkur í smá tour um skólann og höldum svo yfir í Heppuskóla þar sem Guðmundur Ingi ætlar að rifja upp gamla tíma fyrir okkur, svo að lokum förum við yfir í Nýheima og skoðum nýja Framhaldskóla Austur-Skaftafellsýslu þar sem ég undiritaður var einn af fyrstu til að útskrifast ásamt honum Jónasi.

Þá er best að vinda sér úr þungaloftinu úr skólunum og skella sér í siglingu með Lóðsinum. Það þekkja allir strand túrin með honum og ef til vill munum við fara í land einhverstaðar og einhver mun kannski halda væmna ræðu aldrei að vita..

Svo munum við fara i einhverskonar leiki til að eyða seinustu orkunni yfir daginn og gera gott pláss fyrir matinn.

Kvölmaturinn verður á kvöldmálstíma og verður hann á hótelinu sem kennt er við Höfn eða Hótel Höfn. Þá eru makar velkomnir að sameinast hópnum og njóta kveldsins með okkur. Á meðan við snæðum á matnum munu gamlar myndir af okkur hylja vegg hótelsins og getur þá fólk hlegið og dansað yfir þeim á milli þess að troða í sig matnum. Eftir matinn fáum við okkur kaffisopa og róum okkur aðeins niður fyrir sjálfa singstar keppnina sem Jónas singmaster mun leiða áfram. Það verður því borðað, drukkið,dansað og sungið á hótelinu fram að nóttu. Þetta verður einkasamkvæmi og því óheimilt að bjóða vinum nema þeir séu jafn gamlir og þú og voru með þér í bekk.

 Svona lítur matseðill út og verðið á honum.

Aðalréttur: Lamb "dijon" með gratin kartöflum,grænertu mouse og fersku
vorsalati
Eftirréttur assionfruit mousse ala Hótel Höfn
Verð kr 3900.

Bartilboðtór bjór og snafs kr 600

Lóðsferðinn mun eflaust kosta smá skilding.

Ekki frekari kostnaður ætti að vera að svo stöddu.

Hann kveður að sinni Gunni Au

Við nefndin viljum ítreka við fólk að fara endilega að skoða gamlar myndir og velja einhverjar skemmtilegar. Jónas hefur samþykkt af góðmennsku sinni að setja þær svo upp fyrir okkur svo að við getum skoðað þær saman á Hótelinu. Endilega reynið að koma þeim til Jónasar á tölvutæku formi, ef að þið getið það ekki þá er ég alveg viss um að hann myndi vera svo elskulegur að taka við þeim venjulega og setja þær inn fyrir ykkur...

Svo vona ég að allir sem að ætla að koma hafi staðfest komu sína til Gunnars Auðuns sem að ætlar að halda utan um það bókhald því að það kemur að því að við þurfum að senda lokatölu til Hótelsins um hversu margir ætla að vera í mat og vil ég ítreka að makar eru velkomnir þangað. Ég mæti með mannsefnið mitt

Ég ætla nú ekki að hafa tölu mína langa hér en það kemur að því að annar nefndarfundur verði haldinn. Og legg ég til að hann verði haldinn sem fyrst eftir að fólk er búið í prófum. Ég vil ekki setja dag þar sem að ég er svo heppin að þurfa ekki að mæta í próf þetta árið

en þá er ég uppiskroppa með umræðuefni og sendi því boltann áfram á einhvern annan sem að vill tjá sig

kv. Arna

Jæja Krakkarassgötin mín, nú þarf að fara að huga að stórviðburði ársins, fermingarafmælil 1982 árgangsins á Höfn! jahú! Það er búið að panta mat og allt svoleiðis og skipuleggja dagskrá. Það sem þið þurfið að gera er að mæta og passa uppá góðaskapið (Lesist með röddinni hennar Ágústínu). Ertu búin/nn að redda þér fari? þ.e. ef þú býrð ekki nú þegar á Höfn. Ertu búin/nn að redda þér frí í vinnunni? þ.e. ef þú ert úti á vinnumarkaðnum á annað borð. Ertu búin/nn að redda þér gistingu? Betra er að huga að þessu í tíma svo það verði ekki of seint í rassinn gripið (þó er rassinn á mér ætíð "up for graps"). Jæja, nóg af aulahúmor í bili kv. Jónas

Hæhæ.

Ég fékk svolítið furðulegt símtal í gær sem ég skil ekki alveg. Annað hvort var þetta Bjarni Óskar Jónsson að hringja í mig eða þá að einhver var að gera ljótt djók.

Veit einhver til þess að hann Bjarni Óskar sé með síma og svona? Þetta var nefnilega mjöööög furðulegt.

En yfir í annað.

Hvernig standa málin varðandi allt þetta fermingardót? Gengur ekki allt vel? Hvað segir nefndin?

Pís át

Lilja Rós